باغ‌معروفدا چیلله قاشدی

قدیم بو کدده بایرامدا بویوکلرین گوروشونه گئدنده بیر دانا نار یا ناریش آپارادیلار  قارشیلیغندا اوشاخلارا بویاخلی یومورتا،گیردکان-بادام،نوغول،شکر‌پنیر،کیشمیش-نوخود بایراملیخ آلاردیلار  

بیر ائودن دونیاسین دیشن اولسیدی ایک بایرام قره بایرام دئیلر گوروشونه گئدنلر باش ساغلیغی وئرللر بیرچای ایچیب دوراللار  بایرام سفره‌سی آچیلماز بایراملیخ وئریلیب  آلینماز ،اولی صاحبیده بیرنین گوروشونه گئتسه‌ده بایراملیخ آلیب-وئرمز

ائولی اولادلار بیر کله قند آتا-آنالارینا بایراملیخ وئریب اولاردا  کوینک یا دونلوق وئرردیلر.

بایرامین ایلک گونی بویوکلرین ائوینده باریرام سفره‌سی آچیلاردی او سفره سحر تئزدن  آخشاماجان آچیق اولاردی سفره‌ده شیربنیش،سیمنی، چورک، پنیر،یوغورت،کره،بایرام شیرنی‌لری(نوغول،شکرپنیر،شکرلی‌شیرنی)چرشنبه یئمیشی(گیردکان،بادام،نخود،کشمیش،فندق......) اولاردی گوروشه گلنلر آج اولسیدی قارنین دویوراردیلار.ناهارچاغی ات شورباسی،یارپاخ دولماسی،یارپاخ کلم دولماسی،قره‌بادمجان دلماسی بایرام سفره‌سینه قویاردلار(گوروشه اوزاخدان گلنلر بیرده ائوینده یئمگی اولمایانلاری نظرده آلیب قورولاردی ) کیمسه بو خوشگونلرده آج قالمازدی .بایرام سفره‌سی کورسی استونده آچیلاردی.

یومورتا دویوشدورمه:

بایرام‌آیی پیر دیبینده بویاخلی یومورتا دویوشدورردیلر. یومورتانین ایکی طرفی اولار بیرینه اوج او بیری طرفینه کونه دئیلر ، بیرنفر اوبیرینه دئیر یات  او بیری طرف قبول ایله‌سه یوموتاسینین اوجون اشاغدان اوستوه توتار  اوبیری نفر اوز یوموتاسینین اوجون اوست طرفدن اونون یوموتاسینا ویرار هر کسین یومورتاسینین اوجی سینسا یوموتاسینین کونه سین آشاغیدان اوسته‌طرف توتار او بیری یوموتاسینین اوجون اوست طرفدن ویرار  کونه‌ده سینسا اوتوب  اوسته کینین اوجی سینسا اشاغی-اوست یئردگیشدیریب کونه‌لری بیر –بیرینه ویراللار کسین یوموتاسی‌نین کونه سی سالم قالسا اوتوب.

یومورتا قاطار دویوشدورمه:

20-30 یومورتا ایکی دسته‌یه بولونر هر دسته‌نی بیر نفره عاید اولار تک-تک یومورتالار دئیلرن‌کیمین دویوشدورللر سونوندا هر کسین آخیر تومورتاسی  اوجی یا کونه‌سی سالیم قالسا اوتوب  اوتوزان بوتون یومورتالارین خرجین وئرمه‌لیدی

یومورتا دویوشدورنلر موختلیف یاشلاردا اولاللار تازا گنجلر بیر لیکده ،کنجلر بیرلیکده یاشلیلاردا اوز دسته لرینده اویناللار

تازا کوره‌کن قین‌آتاسینین گوروشونه گئدنده بیر کله قند آپارادی،اونا نئچه دانا موختلیف بویاخلی یومورتا بیر کوینک،بیر جوت الده توخونموش ایپ جوراب اوستونه قویوب دامادا بایراملیخ وئریلردی داماد او یومورتالارینان پیر دیبینده یولداشلارینن دویوشدورردی سونرا ناهارا قین آتاسی گیله قایداردی

يومورتانى گؤيچک ، گوللى بوْيارديق              چاققيشديريب ، سينانلارين سوْيارديق

اوْيناماقدان بيرجه مگر دوْيارديق ؟                        على منه ياشيل آشيق وئرردى

                                    ارضا منه نوروزگوْلى درردى
                                              شهریار

  گلینه‌ده بئش قران-بیر تومن وئرردیلر

باریام گونلری نس گونه‌کیمین(13 فروردین) ائولنماغین هئچ بیر ایشی گورولمز

قیشین آخیر آیی چرشنبه آخشاملاری چیلله قاشدی توتاردیلار

چیلله قاشدی= چرشنبه اوت یاندیراماسی

چرشنبه‌لرینده بیر آدی اولاردی  کوله چرشنبه اوت چرشنبه تورپاخ چرشنبه سو چرشنبه...

اوت داملاردا یاناردی ،هرکس اوزی تک یا نئچه آیله بیرلیکده یاندیریب اوستونن آتیلادیلار

آخیر چرشنبه کندین میدانیندا اوت یاندیراللاراوت یاندیرماغا  چیلله قاشدی دئیردیلر 

چرشنبه آخشامی دامدا اوت یانیرادلار  چیلله قاشدی ائلیریک   دام باجاسینان قورشاخ ساللاردلار 

قیشین آخیر آیندا دورد چرشنبه  اولار  دوردونده چرشنبه آخشامی دامدا اوت یاندیراردیلار  اوستونن آتیلاردلار  قوتولاندا کولون دامنان یئره سه‌پةللر  دئیللر :

یئره سپدیم قیزیل اولسون 

آخیر چرشنبه کندین میدانیندا اوت یاندیراللار اوت یاندیرماغا  چیلله قاشدی دئیردیلر 

چرشنبه سحر تئزده‌ن چرشنبه سویونا گئدللر  درد بلا توکولسون 

خونچا:میس مئژمئیی بیر مئتیر قطروندا اوستونه قیرمیزی شال سالاردلار

گلین ائوینه اوشاخلار چرشنبه‌پای گتیرنده اولارا یومورتا  وئرردیلر

آتا-آنا هر ایل قیزلارینین ائوینه بیر خونچا چرشنبه‌لیخ یوللار. اتا –آنادان سونرا بویوک قارداشین وظیفه‌سی‌دیر باجی‌لارینا چرشنبه‌لیخ یوللاسین

بو خونچادا

چرشنبه‌ليق چرشنبه خونچاسي  ( ميوه ، يئميش ، پالتار ، قرمزي باليق ، دويي تويوخ  )اوغلان ائوي قيز ائوينه وئرر .

ایلک ائولیلیک ایلده:

چرشنبه‌لیغی کوره‌کن چرشنبه آخشامی اوچ خونچادا بیری گلینین پایی ایکینجی دوره‌ده‌ کیلرین پایی اوچونجوسی پیشمه‌میش یئمک (دویی،ات‌،تویوخ.قند چای..) قیز ائوینه یوللار

قیز ائوی بایرام آخشامی اوچ خونچادا بیری کوره‌کن پایی ایکینجی دوره‌ده‌ کیلرین پایی اوچونجوسی پیش‌میش یئمک (دویی،ات‌،تویوخ...)

 کوره‌کنه پاییین یوللار، قین آتایا جوراب،ساققال داراغی، دیش‌چوپی،کوینک ،جنه‌ماز(جا نماز) کوره‌کنه کوینک،ایپک دستمال ،جوراب،چرشنبه یئمیشی قین‌آنایا دونلوق ،بالدیزلارا چارقاد ،قاین‌لره جوراب

سونکی ایللرده

چرشنبه گونلری قیزین آتاسی بیر خونچادا قیزینین کوره‌کنین بایراملیغین  چرشنبه‌لیغین یوللار

قيز ائوي دويينن تويوغي پيشيريب  بايراملغينن( پالتار ) بايرام آخشامي كوره كنه گوندرردلر  .

قورشاخ ساللاما:

چرشنبه آخشامی هر کس بیر شال(قورشاخ) الینه آلیب قونشولار رین دامینا چیخاللار او شالی دامین اوباسینان(باجاسینان) ساللارلار ائو صاحبی بیر آز چرشنبه یئمیشی باغلایب  شالی بوراخار . آداخلی اوغلان تانینمیش  شالین قیز ائوینه ساللار قین‌آتا بیین بایراملیغین  جوراب ،چرشنبه‌یئمیشی ،موختلیف شیرنی شالا باغلاردلار .

زارافاتلا اولاردی بینین دوستلاری اوشالی اوغورلاسینلار اونون یئرینه شال ساللایب یئملیلری بیرلیک یئیب قالانین کوره‌کنه قایتارسینلار

بیر ائوده ارلیق قیز اولسیدی ،او قیزا بیر کنج طالب اولسیدی اوغلان شال ساللایاندا شالین اوسته چکمزدی  آشاغیدا سوروشاردلار نده شالیوی چکمیسن دئیردی قیزیوی ایستیرم ایکی طرفین آراسینا بیر دیالوک قورولاردی اوغلان قیزین وئریب –وئرمسیندن دوشونردی ائولیلیک توتار یا توتماز، شالا آینا باغلاماخ یاخشی علامت اولا بیلردی

بو آرادا گولمک اولسون بعضی‌لری شالی توتوب ساخلایادیلار ایکی طرفین آراسیندا چکیش-بکیش اولاردی

بايراميدى ، گئجه قوشى اوخوردى                    آداخلى قيز ، بيگ جوْرابى توْخوردى
هرکس شالين بير باجادان سوْخوردى                 آى نه گؤزل قايدادى شال ساللاماق !
                                   بيگ شالينا بايرامليغين باغلاماق !

شال ايسته ديم منده ائوده آغلاديم                       بير شال آليب ، تئز بئليمه باغلاديم
غلام گيله قاشديم ، شالى ساللاديم                       فاطمه خالا منه جوراب باغلادى
   خان ننه مى يادا ساليب ، آغلادى
شهریار

بایراما 15 گون قالاندا بوللوخ اولسون دییه نئچه دانا بشقابدا بوغدا گوردللر چرشنبه چونچاسیندا بیرین قویاردلار  بایرامین 13نده چولده اوت یاندیریب چایی  یئمیی پیشریب شادلیق اولاردی  گونی چولده بیتیردیلر گویرتی‌لری آپاریب اکین یئرلرینه آتاللار  برکت گتیرسین

بوغدا دان سونرا مرجی‌مک ده گوردللر . بالاجا کوزه اوستونه جوراب چکیب زه‌رک یاخاللار کورزه ایچینه سو توکللر زه‌رک گوه‌ریب چوخ گوزل گوروشر

بوغدا، مرجیمک،زه‌رک،کوروشنه برکت بوللوخ اولسون گوردردیلر

سیمنی:

بوغدانی سودا ایسلاداللار بیر سانتی مئتیر گویه‌رنده دیبکده دووللر  قلبیرده‌ن سوزللر آز بوغدا‌اونی قاتاللار( حجمی چوخالماسین) تندیرده چورک پیشیرنن سونرا تندیرین ایستی‌سنده ساخسی قابداباشین باغلایب پیشیررللر  بوتون قونشولارا ،قیز اوغلان پایینا دا قویاللار

سیمنی ساققیزی: ساخسی قابین دیبینه سیمنی یاپیشاردی اونا سیمنی ساققیزی دئیردیلر چوخ شیرین یئملی اولار

سیمنی پیشیرنده پاک آدام گرکدیر گله  ، قاریشدیراندا نیت ایله‌للر قاریشدیریب نیت قبول اولسا گه‌لن ایل اودا سیمنی پیشیره‌ر .سیمنی قابین قویاللار خلوت یئرده سویوسون اوزونده یازی اولسا نیتین قبول اولماسین اویازیدا بولونر

سیمنیه خانم فاطمه آشی دئیللر(ایلک دفعه خانم فاطمه سیمنی پیشریب )

بایرام گوروشنه گیدنده پول اولسیدی بیر کلله قند اولماسیدی بیر دانا نار کوره کن قیز ائوینه آپارادی  اوشاخدا گلسیدی بویاخلی یومورتا بایراملیخ وئریلردی

گلین ائوینه اوشاخلار یئملی دویی کیمین پای گتیرنده اولارا یومورتا  وئرردیلر

یوموتانی  بیتگی‌لرینن بویاردلار  یئردن چیخان بیتگی واریدی اونا بویاخ دئیلردی قهوه‌ای بویاردی اودا اولماسیدی سامان،باخچا‌بویاغی،نار قابیغی، سوغان قابیغیننه بویاللار    باخچا بویاغی بایرامنان سونرا چیخار یوموشاخ یئرده

چرشنبه سحر تئزده‌ن چرشنبه سویونا گئدللر  درد بلا توکولسون 

  چرشنبه سحر تئزده قاپیدان گئچَه چشمه اوستونن آتیلاردلار  بو سوزی اوخودلار

 آتیل بوتول چرشنبه   قلبیم آچیل چرشنبه   آغیریمی اوغورومی یئل گوتورسون  روزومی الله یئتیرسین  آغیرلیقیمی یئر گوتورسون   آتیل بوتول چرشنبه

اوچشمه نین اوستونن آتیللانان سونرا دئیردیلر چشمه‌نین سوزی زومزوم سویی دیر ( زمزم) او سودان گوتورردلر  ائولرین دورد گوسه‌سینه سَپَردیلر  بیت-بیره کسیلسین ، دئردیلر بیت-بیره کسیلسین   بلانی اوزاخلاتسین

مال-حیوانی چئشمه‌دن سو ایچیردردیلر  چرشنبه سویی ایشسین 

سو اوستونن آتیلانان سونرا خزنه حامامینا گئدیب یوغوناردیلار 

اوچشمه نین اوستونن آتیللانان سونرا دئیردیلر چشمه‌نین سوزی زومزوم سویی دیر ( زمزم) او سودان گوتورردلر  ائولرین دورد گوسه‌سینه سَپَردیلر  بیت-بیره کسیلسین ، دئردیلر بیت-بیره کَسیرَم   او سودان  خمیر توتوب چورک پیشیرردیلر یئمک پیشیریب چای قویاردیلار

سو اوستونن آتیلانان سونرا خزنه حامامینا گئدیب یوغوناردیق 

 آچار سالما:

چرشنبه آخشامی بوتون ائولرین قاپی‌سی آچیخ اولاردی ،آرزی‌سی اولانلار(اوغلان ائولدیرن‌ ،اوشاغی اولمایان ،خسته‌سی اولان........) الینده قیفیل آچاری آلیب بیر آچیخ قاپییه گیریب ائوین قاپیسنا یاخینناشیب آچاری آیاغینین آلتینا قویاردی  ائوده‌کیلرین سوزلرینه قولاخ آساردی  یاخشی سوز دانیشسیدیلر دئیردی آرزیما یئتیشه‌جاغام پیسسوز دانیشسیدیلر دئیردی آرزیما چاتایاجاغام  ،هر کس او گون ایستردی ائولرده یاخشی سوز دانیشسین 

چرشنبه آخشامی بوتون ائولرده شاما دویی پیشیرردیلر

بایراما یاخین چرچیلر پیر دیبینده دوشردیلر  بوگونلرده وسایللری فرقیلی اولاردی. آخیر چرشنبه اوشاقلارا پالچیق فیشقا چرچیلرین گوزه گله‌لن ‌شئی‌لریندن ایدی. فیشقالارا سو توکنده  چالاردی.

بایرامدا اوشاقلار اوچون خسروشاه (خسروشهر) بازاریندان آدینا توس دئییلن باشماق آلاردیلار. بو توسلار یوموشاق اولوب چئشیدلی رنگلرده اولاردی خسروشاه چرچی بازاری بوتون سردری ماحالینین قدیمی بازارلاریندان بیریدیر.  بو بازار هفته دوردو ( سه‌شنبه) ناهاردان قاباق خسروشاه‌دا قورولار. اورادا هر شئی ساتیلار؛ مال-حئیواندان توتدو بزاز مالی، خرزی، یئمه‌لی، گئیمه‌لی و توپلوما لازیم اولان هرنه اورادا اولار. هفته دوردونه  بازار گونو دئییلر.  باغ‌معروف آل-وئرینین بیر قیسمی ده او بازاردان اولاردی؛ خصوصیله بایرام آل-وئری، چرشنبه یئمیشی، باهاردا  قویون- قوزو سوروسونو اورادان آلیب، پاییزدا ایسه مال–حئیوانی اورادا ساتاردیلار.

اوشاخلارین بیر آیری اوینچاخلاری دا واریدی آدینا ایپ توپی دئیلردی ،آنالار پارچا جیریخلارین الده توپلایب تنیس توپی یئکه‌لیغیندا اولاندا یون ایپینن محکم اوستونن نئچه دوره دولیب باغلاردیلار ،اوشاخلار اوننان اوینادیلار یوموشاخ اولدوغونا گوره خطر سیز اویونجاغیدی

باغ‌معروفدا کؤرپه اوشاقلار اطرافیندا اولان عادت-عنعنه‌لر و اینانجلار

توپلایان: رحیم قابل نژاد

قایناق شخصلر: معصومه فغانی

قئیده آلینما یئری و زامانی: باغ معروف کندی

1387 ایل

آشاغیدا آنانین بویلو واقتیندان باشلامیش، اوشاغین دونیایا گلمه‌سی و سونرا دا کؤرپه اوشاغین ایلک گونلرینده کی عادت-عنعنه‌لر و اینانجلاردان سؤز  گئدیر.

·   بويلو آنا يئريكليه‌نده، هر كس غذا پيشيرنده  بير آز اونا گتيرر، گتيرمسه او یئمه‌لینی پشيررلر، پيشيرمسن اوشاق دوشر یاداکی یالاق اولار.

·   آنا بويلو اولان زامان هر كسین الیندن تیکه (يئمك) آلماز، چونکو اوشاق يئمك صاحیبينه چکر.

·   بويلو آنايا نظر دَيمه‌سين،قره باسماسين، جين گلمه‌سين دئیه بارماق بندی بویوندا شوه آدلی بیر قارا داش پالتارينا تيكرلر.

·   آنا اوشاق سالماسين دئیه سو دَيمه‌ميش میتقال‌نان بئلينه بال و قره‌چؤرك‌اوتو (قره كونجود) سالارلار، اوندا بئلي بركيیب اوشاغی سالماز.

·   بویلو خانیم اوشاق سالماماق اوچون یانیندا ضامین‌نوما  (کاغاذ اوسته یازیلمیش نئچه قورآن آیه‌سی) ساخلامالیدیر.

·   بویلو خانیم اؤلویه (جنازه‌یه) باخسا اوشاغی بدنظر اولار.  بدنظر گؤزو ایله انسانلاری وورار، نظر ائو ییخار اونا گؤره ده "و ان یکاد" سوره‌سینی بدنظره اوخویارلار.

·   بويلو آرواد تورشو قويماز، قویسا اوشاغینا زيان گلر، تورشو قویماق ایسترسه، اوشاغي اؤلمه‌ین بیر یاخشی آروادين آدینا تورشو قويار، هر واخت دا تورشونو يئييرسه او آروادا تورشونون پولونو وئريب آلار.

·        آنا سکگیز آي بويلو اولاندا ماما گليب، قارنيندا اوشاغي چئويرردي دوغوما حاضيرلاشسين.

·        اوشاق اولاندا بیریسی داما چیخیب اذان وئرر، اذان وئریلسه دوغوم راحات اولار.[1]

·        ايلك اوچ گون اوشاغا كره ایله شوورَ‌ن وئرردیلر، دؤش وئرمزدیلر.

·        اوشاق آیین ایلک گونو و شنبه گونلری دونیایا گلسه الی یونگول اولار.

·   زاهي (یئنی دوغان آنا) و کؤرپه‌سی قیرخ گونه کیمین اونا زیان یئتیشمه‌سین دئیه تك اوتاقدا قالماز، تك حاماما گئتمز، تندير قويماز، تويوخ باسديرماز، تك قبریستانا گئتمز.

·   اون گونه کیمی زاهینی  يویوندورماقدان چکینرلر (حامامین اوزاق و آذربایجانین هاواسینین سویوق اولدوغونا گؤره ناخوشلاماق ایمکانی وار ایدی).

·        زاهی‌نین بالیشی آلتینا پيچاق قويارلار جین يا دا آيري یامانلیق گلمه‌سين.

·        زاهی اوتاغیندا كاسادا اوچ دنه يومورتا قويارلار نظر گلسه يوموتالارا گلسين.

·   اوشاغی اوزگه سودو ایله اميشديرمزلر، چونکو او آدام حرام يئين، پيس، اوغرو بیر ده جیلف اولسا، اوشاق دا بو صیفتلری آلار.  

·   زاهی‌نین گؤروشه گلنی اولسا  قیرخلي اوشاغي ائشيگه چیخاردارلار،  گلنین دوعاسي اولسا آنا دا ائشيگه چیخيب، قوناقدان سونرا ائوه گلردي.

·   اوشاغا نظر گلمه‌سین دئیه فالچیدان ضامین‌نوما آلیب، پالتارینین بئلینه یا دا سینه‌سی اوستونه تیکر، یا دا  ائوه‌  باغلارلار.

·        اوشاق سسه دوشمه‌سین دئیه توی مجلیسلری و یاس یئرلرینه آپارمازلار.

·   اوشاقلاری اؤلن آرواد یئنی دوغولموش اوشاغينی هئچ اوشاغي اؤلمه‌ین آروادا وئرر. او آرواد اوشاغي كؤينگي‌نين بوغازيندان سالار، آشاغیسیندان چیخاریب، اؤزونه اوشاق سایار، سونرا دا  اصیل آناسینا قايتاریب، دئير: بو اوشاغا سني تايا توتدوم.

سونرا دا هر آي باشی اوشاغین ساخلاماسینا بير آز پول وئرر. بو ايش ايكي ايل بویونجا (اوشاق سود يئينه قدر) داوامي اولار.

·   قیرخ گونه كيمين اوشاغين يانينا دوعا–ضامین‌نوما گتيرمزلر. اوشاغین اوستونه ضامین‌نوما گتیرن اولسا، اونو یازان فالچیدان، اوشاق اؤلمه‌سین دئیه، ضامین‌نوما آلماق لازیم اولار. بونو گتیرن بارماغینی سویا سالیب او سویو اوشاغا ایچیردرلر.

·   قیرخلي اوشاغين يانينا اَت گتيرسن بوينو اَيري اولار يادا تيترَر، بونا گؤره اوشاغين پالتارينين قولونا بير آز ات تيكرلر.

·   اوشاق چوخ آغلايیب، چیغیراندا يئددي قيزين پاچاسینين آراسيندان، يادا ساج چؤرگي‌نين آراسيندان کئچيررلر.

·        كيرپي‌نين ديشينی اوشاغين پالتارینا تيكرلر، اوندا نظر دَيمز.

·   اوشاغا نظر دَيمه‌سين دئیه  پالتارينا گؤز نظر تيكرلر. گؤزنظر دئدیگین یئددی دلیکلی ماوی مونجوق و بیر ده  بير دليکلی آغ-قارا مونجوقلاردیر.

·   اوشاغا نظر دَيمه‌سين دئیه اونو تعريفله‌مزلر و تام ترسینه اونو  "دوزسوز" كلمه‌سی ایله خطاب ائدردیلر.

·   اوشاغي اؤپنده نظر دَيمه‌سين دئیه آلنیندان اؤپرلر، دئیرلر اوشاغين آلنیندان اؤپمک پيغمبردن قالیب.

·   اوشاق ایری جیسملی اولسا اونون ياشينی نظر ديمه‌سين (نفسدن گئچمه‌سین) دئیه اولدوغوندان چوخ دئیرلر.

·   اوشاغي سحر اذآن چاغي و آخشام ناخير آياغي (اذان‌چاغي) يئره قویمازلار، قویسالار زيان گلر، يومني پيس اولار.

·        اوشاغين آغزيندان اؤپمزلر، اوپسه‌لر نوخوشلار.

·   اوشاغا آد قوياندا  قويماق، قايقاناق (شيرينلیک اوچون) پيشيريب قوهوم- قونشو و دوستلارين ياشلي خانیملارينی ائوه دعوت ائلردیلر. ائوده دؤره اوتوروب بير مئژمئيي توتوب هر كس اونا پول سالار، او پول مامايا (قابله‌یه) يئتيشر.

·   آد قویماق اوچون لاپ ياشلي خانیم  اوشاغین قولاقلارینا اذآن و اقامه دئييب، اوغلان اولسا آدينی محمد و قيز اولسا فاطمه سسلردیلر. سونرا قایناتا، اودا اولماسايدي قاینانا سئوديگي آدي قوياردي. اوشاغي بير-بيرينين قوجاغینا وئرنده دئيرلر:"آل اوشاغي، وئر اوشاغي، تانري ساخلاسين بو اوشاغي"

آخيردا اوشاغی آناسینين قوجاغینا وئررلر.

·   هر كسین اوچ آدي اولار: 1- محمد يا فاطمه 2- ياشلي و بؤيوكلر دئين آد  3-عملي ایله قازانان آد

·   اوشاغا دیش چیخارتماغا باشلادیغی زامان دیشلیک پیشیررلر . دیشلیک پیشیرمک اوچون بوغدانی ایسلادیب  پیشیررلر.  یاغ، نوخود، کیشمیش، بادام، گیردکان علاوه ائدیب،  پیالالاردا یئددی قاپییا پایلارلار. دیشلیگی آلان هر کیمسه قایتاردیغی قابدا اوشاغا بیر تؤحفه قویار.

·        اوشاغا دیشلیک پیشیرسن دیشلری برک اولار.

·        اوشاغا دیشلیک پیشیرمه‌سن  شولوق اولار.

بعضی ترمین‌لر:

دیشلیک: اوشاغین ایلک دیشی چیخان زامان ایسلانمیش بوغدا، یاغ، نوخود، کیشمیش، بادام ایلن پیشیریلن یئمک.

قارین چئویرمه: سکگیز آیلیق بویلو آنانین دوغومو راحات اولسون دئیه مامالارین الی‌یله اوشاغی چئویرمک

یاخا سالما: اوشاقلاری اؤلن آروادین سون دونیایا گلمیش اوشاغی اؤلمه‌سین دئیه اونو  اوشاقلاری اؤلمه‌ین بیر قادینین كؤينگي‌نين یاخاسیندان سالیب، آشاغیدان چیخارار و اینانارلار کی داها بو اوشاق همین قادینین اوشاقلاری کیمی اؤلمییه‌جک، بو رسمه یخه سالما دئیرلر.

ياخا‌سي بوتون: اَري-اوشاغي اؤلمه‌ین  آروادا وئریلن آد

[1] - باغ معروفدا عابباسعلي دامدا اذان وئرردي. عابباسعلي كندين اذانچیسي و عین حالدا تورکوسایا بیر آدام ایدی.