حامام

                           به به ايستي دير حامام                                 من گئديرم يويونام

                           يويونان تميز اولار                                          هر يئرده عزيز اولار

                           حامامدان قاچانلارين                                     كير توتاجاق پالتارلارين

                          من گئديرم حاماما                                         چيخام اولام شاماما

                                                                                                            

 ياغدي ياغيشلار( بهرام اسدي)

 

 

آللاه ياراديب

 

           يئرده گئدن قاريشقا                   قولقول ائدن هوندوشقا

  هر قيليغي هر دونو                     آللاه ياراديب اونو

     سايسان  هر گئجه ياري               گؤيده‌كي اولدوزلاري

 سايانمازسان يوخ سونو                آللاه ياراديب اونو

 گوللنير باخچا يازدا                        قيزيللانير پاييزدا

   قيشدا وار قاري-دونو                       آللاه ياراديب اونو

 

 ياغدي ياغيشلار( بهرام اسدي )

 

 

اوشاق و بوز

درسه گئدن بیر اوشاق                                             چيخدي بوز اوسته قوچاق

                  سوروشدو بیردن بیره                                               دوشدو اوز اوسته يئره

                   دوردو اوشاق نئیله‌دی                                              بوزا بئله  سؤيله‌دی

                   سن نه یامانسان آبوز                                               سن نه يامانسان آبوز

                   آدام ییخانسان آبوز                                                   آز قاليب عؤمرون سنین        

                   یاز گلر آرتار غمین                                                    ارييب سویا دؤنرسن

 

صابر

 جوجوقلا؛قارقا

 

جانيم قارقا ؛گوزوم قارقا

سنه واردير سوزوم قارقا

خبروئرمه بيزيم ائوه

پيشيگي ائيله مه دوه

دئمه درسيمده قالميشام

کوفته ؛کوفته صفير آلميشام

ياخشي دير بيزيم معليم

ولي فارسي ائدير تعليم

فارسي بيلميري آتام-آنام

زوراولور سوزلري قانام

بودورصفير آلماقيمين عيلت

قارقاداي ائتمه رم غفلت

قارياداما بير ايکي گون

ريشوه وئره م بير کيلو يون

دوستلارايله ديله شره م

گئجه گوندوز اله شره م

گوزل نمره لر آلارام

بيرنجي شاگيرد اولارام

قارقا بير ائيله دي قار-قار

دئدي بير آي مهلتين وار

او خومازسان بو گون جوجوق

اولارسان سون گون يازيق

جوجوق دئدي قارقا قانديم

نجاراوغلوتک اويانديم

اوخورام اينسانليق درسين

سينديرام جهلين قفسين

 

(نجاراوغلو)

 

 

 

اولدوز

سپيلميشه م توخوم تك

يشه م توخوم تك
من گئجه تارلاسيندا
بيتميشه م چيچك كيمي
قارانليق هاواسيندا

ساچيم ايشيق تك پارلاق
پارلانميشام گوموش تك
اوچورام گويلرده من
قانادلانيب آغ قوش تك

هر كيم منه اوخشاسا
ايشيقلانار گويلرده
منيم كيمي ياشاسا
نغمه اولار ديللرده

هر كيم منه خوش باخسا
قارانليقدا ساچيلار
ايشيقلي بير گول كيمي
چيچك آچار آچيلار
هر كيم منه خور باخسا
قارانليقدا بوغولار
اوره يينده بايقوشلار
يووا سالار دوغولار

ابدي بير چيراغام
من اولدوزام سونمه زم
حقيقتين اوغروندا
اوز يولومدان دونمه زم

یازان:  رامين جهانگيرزاده بيگيدلو

                                              

بايرام گلدي بايرام گلدي

 اوشاقلار اوشاقلار
باهار قيزي اوياندي
چيچه ك لندي بوداقلار
بولاق گوزو سولاندي

قوشولدو چاي سسينه
شيريلدادي اوخودو
دنيزين هوسينه
مخمر سولار توخودو

هاي- هاراي، سالا- سالا
داشدان- داشا توكولدو
داغلاري ييرتا- ييرتا
سس سيزليگي سوكوردو

سوكدو سكوتون سسين
يئتيشدي دنيزلره
دالغا ائتدي نفسين
نغمه دئدي بيزلره

........................................

: ننه م منه ناغيل دير

ننه! ننه! هاي ننه!
گوزلري مرجان ننه
گل اوتوروم ديزينده
سنه دئييم جان ننه

اللري قابار- قابار
مني باغرينا باسدي
آلديغي بويونباغين
منيم بوينوما آسدي

ننه م منه ناغيل دير
من ناغيل سيز ياتمارام
اونوتمارام من اونو
هئچ وقت اونو آتمارام

دونن گوردويوم ننه م
بوگون يامان قوجاليب
قاپ- قارا ساچلاريني
آغ- آپباق قارلار آليب

ننه! ننه! هاي ننه!
سسله ييره م من سني
من ناغيل سيز قالميشام
چاغير هاي ننه! مني

یازان:  رامين جهانگيرزاده بيگديلو

 

 

قاريشقالار يووادان
چيخديلار توپا- توپا
سانکي قارا مونجوقو
يولدا دوزموسن ساپا

هاميسينين ياي- باهار
قايغيسي چوخ، ايشي چوخ
آغزيندا سامان چوپو
دينجلمه يه واختي يوخ

زنجير کيمي دوزولور
ايشلديکجه يورولماز
قاريشقالار ايچينده
بير تنبلده تاپيلماز

یازان:  علي حسن شيروانلي

 

 

: ياز ياغيشي

ياغدي يئنه
ياز ياغيشي.
ياماجدا قار
دوزده چيچک
گئجيکه جک؟
- يوخ، يوخ!
- يوخ، يوخ!
ياغدي يئنه
ياز ياغيشي
ياغيب، ياغيب
قوودو قيشي
ياز ياغيشي
قوودو ياماجداکي قيشي
ياغدي، ياغدي
ياز ياغيشي
گوي اوت قالخيب
اورتدو داشي.

یازان:  مستان گونه ر

 

................................................

 

: فاطما ننه

قارا تئللي بولوتلار
ييغيشيبلار بير يئره
گونش هرده ن بويلانير
ساچلارين هوره- هوره

بولوتلار اوره ييني
كيمدير سيخير اليله؟
توكولور دامجي- دامجي
ياغيش لار گيله- گيله

گونش يئنه بويلانير
هرده ن گزير باغچاني
فاطما ننه توخويور
يئددي بوياق خالچاني

فاطما ننه خالچاسين
سرير گويلر اوزونه
اوشاقلاردا سئوينيب
باخير اونون گوزونه

فاطما ننه گؤيده ن دوش
اوره ييمه خالچا سال
ايشيقلي بارماغينلا
قارانليغين جانين آل

یازان:  رامين جهانگيرزاده بيگيدلو

 

: ال اله

آي اوشاقلار ال اله
ال اله وئرين گئده ك آرزو گيله
آرزو گيل بيزدن كوسوپلر، بيليريك
بو زامان بيز ال اله وئرمه لي ييك
اونلاري قايتارماغا گئتمه لي ييك
قوجالار ديللنسه لر باش وئرمه يين
گئجه نين قفل لارين آچين گلين
بير گئجه آي چيخاندا بيز چيخاريق
سئل تكين بولگه لي داغدان آخاريق
دوشمانين ائوجيگينه اود ياخاريق
آي اوشاقلار ال اله
ال اله وئرين گئده ك آرزو گيله

یازان:  عليرضا نابدل(اوختاي)

 

- اولدوزلار

گويده نه  وار؟
- اولدوزلار.
يئرده نه وار؟
- شن قيزلار.
- قيزلار يئرين
اولدوزلاري.
- اولدوزلار گويون
قيزلاري.

یازان:  توفيق محمود