یاشا  آذربایجان

 

آذربایجان سنسن منیم            علویتیم شان شهرتیم (2)

 

آدین منیم ائوز آدیم دیر          سنسیز منیم نه قیمتیم (2)

 

آذربایجان  آذربایجان           یاشا یاشا آذربایجان (2)

 

نفسیمیز بابک لرین                 صابیر لرین گور نفسی (2)

 

ماهنیلاردا یاشادیر بیزی            بابا لارین آیاق سسی (2)

 

آذربایجان  آذربایجان           یاشا یاشا آذربایجان (2)

 

بیز تاریخه سیغینمازیق           دونن واریق بوگون واریق (2)

 

     بیز کئچمیشه گووه نه رک          گله جه یه آددیملاریق (2)

 

آذربایجان  آذربایجان           یاشا یاشا آذربایجان (2)

 

 

حئکمتلی سؤزلر

 

حئکمتلی سؤزلر

توپلایان : علی خالط آبادی

- زحمت چکمه ین راحاتلیق قودرتینی بیلمز.

- زحمت چکمه ین بال یئمز

- ایشلمه ین دیشله مز

- ایش بدنین جوهری دیر

- ایش اینسانی صافا چیخارار

- ائل سئونی ، عالم سئور

- ائل تیکه نی عالم ییخا بیلمز

 -  سؤز قالدی ائل گلنه ، چیرماندیم سئل گلنه            گؤزل بیر باغ سالمیشام ، ائل گله کولگه لنه

- وطنه گلدیم ، ایمانا گلدیم

- ائل یولوندا باش قویان               قازانار ائل حرمتین

- اؤلر کوراوغلو ، گئتمز بو یورددان

 

 

 

 

 

 

اسلانين عرضه سي گؤر تولكو بُيه

نه عرض حالينان اوخونور داغلار

 

پيشيك شيره دؤنوب ، سيچان نهنگه

چاققال دا مئيدانا سوخولور داغلار

 

داها « چنلي بئل» ده قوران يوخ چادير

نه ده « حسن دلي » يالدا آت اوينادير

 

دونيا «ارزورم » دا بايقوش اولادير

گون گونون اوستونه چيخيريلير داغلار

 

نه « قوچ كوراوغلو» وار نه ده نعره سي

چاتمير قولاغيما « نبي » نين سسي

نه« كرم » گؤرونور نه ده « له له» سي

« بابك » ين قالاسي ييخيليب داغلار

 

چكمير « كوسا سفر» اوخون كامانا

دارتيريب مئيداني آلا دومانا

« اينتيصار » تك اوغول قاليب آمانا

بوجاقدان بوجاقا سيخيلير داغلار

 

   

---

 

اولــده مكتبدن قاچيب ، اؤزون دالـــي سالان جانيــم

ايندي اوخو جانين چيخـسين ، خالقدان دالي قالان جانيم !

 

آنلامادين هئچ درس نـدير ؟ خالق اوخودو سن اوينادين

اؤزگه يه نصيحــت وئريب ، اؤزو توتك چالان جانـيـم !

 

هر واخت چيخــدين سياحته ، خير آپاريب ، شر گتيرديــن

مني سالديـن ذلالتــه ، آي دردينــن بلان جانيـــــم !

 

ايندي بيريـول ايمتحان دي ، خلق يازاجاق سنده دور باخ

من دئمه ديم « باخدرسينه» ؟! سني اولاسان يالان جانيم !

 

علم گلميشدي  قاپينا  ،  نادان اولدون اؤيرنمه دیـن

ايندي سـن گئـت قاپيسينا ،داليسيجان دولان  جانيـم !

 

درسي هر واخت باشارمادين ، گئت اوتور لاپ دالي تختــده

معلم سوال سوروشسا ، ياواشـجا دالـدالان جانيـــم  !

 

بي سوادين سونو يوخدو ، بونو اؤزون ياخشي بيليرسن

هميشــه گلجه ييندن ، آي اولان نگــران جانيـم !

 

داها قالمادي آبرون ، « اينتيصار » ي گؤرن گولـور

معلـم ده دؤيجكــديــر ، ديكته ده صفرآلانجانيـم !

 

---

 

بال دوداقلار ياشماق آلتدان جان آلير پونهاني ، گؤزل !

« بئدووستان » ين مارالي ، آغلادير دونياني گؤزل !

قاشين ياي دير ، كيپريگين اوخ ، اورييم نشاني گؤزل !

باشين سلطان ، گؤزون جلاد ، آخديرير آل قاني گؤزل !

 

اول سلطان يارين باغيندان

نار دريم باش بوداغيندان

اومود آليم دوداغيندان

اييلنده ياناغيندان

 

اؤپوش پاي آليم

اوچسون خياليم

اليمي ظاليم

باشدان ائنديريم

ياخاندان ساليم

واريم اول جنت قوينونا قوراق بير دؤوراني گؤزل !

 

حوسنون خيالا گلنده وارليغيما قارا چكير

قددين سلو ، زولفون كمند ، عاشيقيني دارا چكير

من اسيرم اودا غاليب ، بيلمم مني هارا چكير ؟!

يار مني شهلا گؤزويله جهنمه ، نارا چكير

 

جهنم نارين سؤندوررم

ياري بير كلمه دينديررم

سينم اوستونه مينديررم

قارا بختي سئوينديررم

 

اورك سئوينجي

ديشلري اينجي

دوداق گولونجو

ايسته يين اؤزو

قلبين دوشونجو

بايرام توتاق ، بو وصالي ، يانديراق هيجراني گؤزل !

 

چيخاندا آي كيمين آشكارا ائيله يير گوناه يئريشين

دوشورم آياق آلتينا هئچ وئرمير قولاق يئريشين

نه اؤلدورور ، نه بوراخير ، نه وئرير پناه يئريشين

آچيب سرريمي عالمه ، ائيله ييب تاباق يئريشين

 

قوينوندا آچيم تاباغي

گزيم بير ـ بير هر بوداغي

تاپيم بير جنت بولاغي

دولدوروم داشسين چاناغي

 

چاناغي داشسين ، قوللار دولاشسين

كئف حددن آشسين

ديل ، ديلي تاپسين ، دوداق سوواسشين

هجرانكؤچسون،ووصال گلسين ، «اينتيصار» قورباني گؤزل

 

 

---

 

 

عبادت لايقدير تك بير آللاها

عرض سماواتدا اوندان باشقا يوخ

ووراسان قلبيندن اونا ياغينين

عرب « شهاب » ، فارسي « تيري » ، توركو « اوخ »

 

عثمان دي قرآني جمع ائديب يازان

جمع نظاملارا اسلام دير نظام

بيزيم پيغمبر تك يئر اوزونده اينسان

عرب « لا» دي ، فارسي « نه » دي ، توركو « يوخ »

 

« اينتيصار » ايلهامين آلار تاريدان

يولو گئدر اوز دؤندرمز ياريدان

آللاهين امري ايله دنيز قورودان

عرب « كثير » ، فارسي « زياد » ، توركو « چوخ »

 

 

 

قولاق              توپلايان  ابوطالب الهياري

 

قولاق : گوش ، گوشه

قولاق آسماق : گوش دادن

قولاق ورمك : گوش دادن ،استماع كردن

قولاقي باتماق : كر شدن ، ناشنوا شدن

قولاقي يايترماق : كوش دادن ، گوش به زنگ‌شدن

قولاق آردي : پشت گوش ،بنا گوش

قولاق باتيريجي : كر كننه ، گوش خراش

قولاق بورماسي : چشم زهر گرفتن ، تنبيه جزئي

قولاقليق : گوشي

قولاق دلمه: سوراخ كردن گوش

ازون  قولاق : خر ، اولاغ ، دراز گوش

پله قولاق  : پهن گوش ، عريض گوش

قولاقلاماق : گوشمالي دادن ،تنبيه دادن

قولاق آردينليغينا وورماق : خود را به كري و ناشنوايي زدن ، خود را به نفهمي زدن

قولاقيني چيخارارم : گوشت را در مي‌آورم

قولاقيني چكه رم : گوشت را مي‌كشم

قولاغيني دووارا ميخلارام : كنايه از شدت تنبيه

قولاقي‌نين داليسيني گوره بيلسن ، مني ده گؤره بيلرسن : هر وقت پشت گوشت را ببيني ، مرا هم مي‌بيني

آچ قولاقيني ائشيت : گوشت را باز كن و بشنو، خوب گوش كن

قولاقي شوشله‌مك : با دقت  گوش دادن

قولاق ياتيرماق : گوش خواباندن ، استراق سمع

قولاق گوناهكارييام : كنايه از شك و ترديد داشتن در مورد يك واقعه ، يعني نديده‌ام بلكه شنيده‌ام

ياستي قولاق : پهن گوش

قولاق آغريسي : درد گوش

قولاق سانجيسي : معادل فارسي ندارد

قولاقي چيركله مك : عفونت گوش

باش قولاقدان گئتمك : خسته شدن ، سردرد گرفتن از صداهاي ناهنجار

قولاقيني  كسه رم : گوشت را مي‌برم

قولاق سييرم : معادل فارسي ندارد ، كنايه از بريدن گوش از